البنت والتضجر

السلام عليكم ورحمة الله وبركاته
اليوم يتكلم موضوعي عن البنت في مملكتنا العزيزة

نشوف اغلب البنات في السعودية وانا اقول اغلبهم وليس الكل تتضجر من حالها وتعتقد ان الاهل والمجتمع والدين فارض عليها اشياء ما تناسبها كانثى
طيب ليه تنظر للجانب السلبي وما تنظر للجانب الايجابي
لو ننظر الى الجانب الايجابي بيرجح على الجانب السلبي
يعني مثلا : السواقة للمراة في بلادنا لو البنت تسوق راح تصير فتنة البنت الحين تتمنى السواقة واذا جات وصار لها ما تتمنى قالت الشباب ما يتركونا في حالنا طيب انت عارفة وانتي واقفة مع اهلك من الحين يؤذون اجل لو صرت بسيارتك ايش بيسوون ؟؟؟

ثانيا: قاعدة او منطق البنت تختلف عن الولد متى تعرف البنت انه مافي مقارنة بين الولد والبنت متى تعرف البنت انها اغلى من الولد لمتى تتوقع لما يضقون عليها زي ما تقول يكرهونها لا هذا من الغلا البنت تملك شرف عائلة بأسرها من الجد الى الاحفاد لكن الولد يحمل شرف نفسه هذا السبب اللي يخلي الاهل يوقفون عند كل نقطة لان الثقل عليها كبير فهم يساعدوها هذا الغلا اللي ما راح تفهمه البنت الا لما تصير ام
لكن هل بتعرف غلاها قبل كذا؟؟

ثالثا:اذا قالت غلط الولد عند الاهل ماهو غلط اذا كان اهله فقط ياخذون من الدين الاسم او يتهاونون في احكامه فهذا عادي عندهم
اما ان كان الدين متأصل عندهم فصدقوني غلط الولد مثل غلط البنت لكن الاختلاف في انه زي ما قلت قبل شرف البنت شرف عائلة وشرف الولد شرف نفسه


رابعا:عندما تطلب المساواة بالرجل في التخصصات اللي يعملون فيها
تخيلوا البنت:
مهندسة في احدى شركات البترول
تخيلوا البنت بنشرية
تخيلو البنت عاملة نظافة في الشوارع
لننظر للامر من جميع الجوانب سواء العمل كان ذومرتبة عاليةاوغيره لان في ذاك الوقت قي بنات بيحتاجوا لاي شغلة .هل هذا يناسب الانثى وطبيعتها؟

خامسا:المراة اذا سمعت عن رجال مالقى شغلة وجالس في البيت وزوجتههي اللي تشتغل قالت(والله ايش وظيفته جالس حرمته تشتغل هذا بالله رجال) وهي نفسها اللي تطلب المساواة لو صار العكس تماما الرجال جلس في البيت وقام بواجبات المراة والمراة خرجت لاي وظيفة من وظائف الرجال وقامت بما يقوم فماذا سيقال وماذا سيحدث؟


سادسا:عندما يغار عليها اخوها وتقول عنه متخلف تفكيره سئ ليه ماقالت خايف علي من نسمة الهوا ليه ما قالت انا جوهرة العايلة ولازم يحافظ علي ويحفظ كرامتي؟؟؟




السؤال الاخير لمتى الفتاة تتوقع ان الاهل والمجتمع يضيق عليها؟؟؟؟في حين انه يحافظ عليهاّ!!!!!!!!!!!1