تكبرت..وتكبرت..تحديت..وتحديتك...

رحلت ومقصدي كله عشان انساكـ
. . . . .نسيتك لاحشى واللي خلق راسي تناسيتك




تناسيتك نعم لكن بقت في داخلي ذكراكـ
. . . . .بقى في داخلي زولك بقى في داخلي بيتك



ألا ياكيف أنا بآسلى ليالي غربتي واسلاكـ
. . . . .مدام اني ليا جيت لمرآية غرفتي جيتك



أشوفك في وسط عيني وأغمضها عشان امحاكـ
. . . . .واشووفك داخل جفوني إذا غمّضت ضمّيتك



أضمّك واشتكي طيفك على طيفك بدون إدراكـ
. . . . .وانا في غربتي ليتك تحس بحالتي ليتك



ورى عوج الضلوع ألقى بقايا ضحكتك والقاكـ
. . . . .وأسافر لك وانا حيّك واسافر لك وانا ميتك



نقشت أسمك على عرق الخفوق اللي فقد يمناكـ
. . . . .واذا مرّ النفس صدري تذكرتك وحيّيتك



شهور مرّت وانا قلبي يعيش بضيعته بحماكـ
. . . . .بدون أسباب لاتسأل ليا منّي تمنيتك



أهذري بك واغني بك ( أنا اهواك أنا أهواكـ )
. . . . .وأمرّك تايهٍ واذكرك لامني تعديتك



حبيبي طالبك تكفى سألتك بالذي سواكـ
. . . . .وش اللي يمنع عيوني ليا جيتك وراعيتك



تحاكمنا على الفرقى بدون اسباب يامقساكـ
. . . . .تخالفنا تعدينا الحدود ورحت خليتك



كذا مامن سبب يشرح نهاية قصتي وياكـ
. . . . .تكبرت . وتكبرت . وتحديت . وتحديتك



تفارقنا ودمعات القهر تخشع على فرقاكـ
. . . . .وبلاي اني من دموع الوداع المرّ واسيتك



حبيبي والفضا كله مساحات وسما وافلاكـ
. . . . .يضيق وغيبتك قشرا وانا جيتك وناجيتك



مدام ان الغياب اللي يداعب غربتي فتاكـ
. . . . .أمانه لاتجاهلني وانا للوصل ناديتك



صحيح اني تجاهلتك وخليتك عشان انساكـ
. . . . .ولكن والذي سوى عروقي بس تناسيتك



تناسيتك نعم لكن بقت في داخلي ذكراكـ
. . . . .بقى في داخلي حبــك بقــى في داخلي بيتك